WIZARA YA ULINZI YA MAREKANI YATHIBITISHA KUMUA KIONGOZI WA AL-SHABAB

Wizara ya Ulinzi ya Marekani imethibitisha kuwa imemuua kiongozi wa al-Shabab, aitwae Adan Garar.

Pentagon imesema kiongozi huyo ameuwawa kwa kutumia bomu lililorushwa na ndege inayoruka bila rubani katika eneo la kusini mwa Somali Ijumaa iliyopita.

Garar anadaiwa kuhusika na tukio la shambulio la kwenye jengo la Westgate mnamo mwaka 2013 Jijini Nairobi na kuua watu wapatao 67.

Marekani inaamini kuwa Garar alikuwa anasimamia operesheni zenye kulenga raia wa Marekani pamoja na wa nchi zingine za magharibi.