TUNISIA YAAPA KUPAMBANA NA UGAIDI BILA YA HURUMA YOYOTE

Rais wa Tunisia ameapa kupambana na ugaidi bila ya huruma, kufuatia shambulio la kutumia silaha kwenye Jumba la Makumbusho la Bardo katika Jiji la Tunis lililouwa watu 19.

Watalii 17 wameuwawa kwenye shambulio hilo, wakiwemo wageni kutoka nchi za Japan, Italia, Colombia, Australia, Ufaransa, Poland pamoja na Hispania.

Watunisia wawili, mmoja wao akiwa ni afisa polisi, nao wameuwawa katika shambulio hilo lililofanyika jana.

Vikosi vya usalama vya Tunisia vimewauwa wahusika wawili wa shambulio hilo na wanaendelea kuwatafuta washirika wao.