LIGI KUU UINGEREZA, EVERTON YAWATANDIKA MANCHESTER UNITED 3-0

Wakicheza katika uwanja wao wa nyumbani hapo jana timu ya soka ya Everton wametoa kichapo cha aina yake kwa Manchester United baada ya kuitandika mabao 3-0 katika mchezo wa ligi kuu nchini humo.

Mabao kutoka kwa McCarthy katika dakika ya 5, bao la pili lililofungwa na Stones katika dakika ya 35 na bao la tatu nala ushindi toka kwa Mirallas kunako dakika ya 74 yaliwafanya mashabiki wa Manchester United kutoamini kama ni timu yao inasulubiwa kiasi kile.

Kwa matokeo hayo Manchester wapo nafasi ya nne wakiwa na pointi 65 huku Everton wakiwa na pointi 44 wakiwa katika nafasi ya kumi katika msimamo wa ligi hiyo.