AFRIKA KUSINI YAWARUDISHA KWAO WAHAMIAJI 400 WA MSUMBIJI

Nchi ya Afrika Kusini imewarudisha kwao raia 400 wa Msumbiji, wiki moja tu kupita baada ya kutokea kwa machafuko ya kuwashambulia raia wa kigeni katika miji ya Durban pamoja na Johannesburg yaliyoacha watu kadhaa wakifa.

Hatua hiyo imefuatia operesheni ya jeshi la polisi iliyobaini mamia ya wahamiaji wanaoishi bila nyaraka za kuhalalisha uwepo wao nchini Afrika Kusini.

Wengi wa raia wa Afrika Kusini wasio na ajira wamekuwa wanawalalamikia wageni kwa kuchukua ajira zao katika nchi yao ambayo ukosefu wa ajira umefikia kiwango cha asilimia 24.

Serikali ya Msumbiji imesema kuwa imeshtushwa na hatua hiyo ya kurejeshwa kwa raia wake.