AL-SHABAAB YASHAMBULIA POLISI KENYA NA KUCHOMA MAGARI YAO MANNE

Msemaji wa Jeshi la polisi Kenya George Kinoti amesema maafisa polisi 13, hawajulikani walipo na wengine wawili wamejeruhiwa baada wapiganaji wa al-Shabaab kushambulia msafara wa magari yao eneo la Yumbis katika kaunti ya Garissa.

Maafisa polisi waliofanikiwa kutoroka katika shambulio hilo lililotokea jana usiku, wamesema magari manne ya polisi yamechomwa moto na wapiganaji hao.

Maafisa polisi hao walikuwa katika msafara wa magari manne wakielekea Yumbis, saa chache kupita baada ya polisi mwenzao kushambuliwa jana mchana na wapiganaji wa al-Shabaab.