CARLO ANCELOTTI AFUNGASHIWA VILIVYO VYAKE REAL MADRID

Kocha wa Real Madrid Carlo Ancelotti akiwa amebeba kombe la 10 la Klabu bingwa barani Ulaya walilolitwaa mwaka jana. 

Timu ya soka ya Real Madrid imetangaza kumfungashia virago vyake kocha wake mkuu Carlo Ancelotti. 

Uamuzi huo umetangazwa jumatatu na Rais wa timu hiyo Florentino Perez, baada ya kushuhudia timu hiyo ikimaliza msimu vibaya. 

Real Madrid msimu huu wameshindwa kutwaa ubingwa wa ligi kuu Hispania al maarufu La Liga, ubingwa ambao ulichukuliwa na FC Barcelona na pia ilishindwa kulitetea kombe la ligi ya mabingwa barani Ulaya walilolitwaa mwaka jana.

Rais wa timu ya Real Madrid, Florentino Perez akitangaza uamuzi wa kuachana na aliyekuwa kocha wao, Carlo Ancelotti.