LIGI KUU ENGLAND, SWANSEA WAILAZA ARSENAL NYUMBANI KWAO KWA BAO 1-0

Mlinda mlango wa Arsenal, David Ospina akijaribu kuuzuia mpira huku akiwa amevuka mstari wa goli, mpira uliopigwa na mshambuliaji wa Swansea City, Bafetimbi Gomis katika dakika ya 86 na kuipatia timu yake ushindi wa bao 1-0.

Mwamuzi wa mchezo huo, Kevin Friend akiashiria mpira uwekwe kati baada ya mlinda mlango wa Arsenal kujaribu kuudaka wakati tayari umeshavuka mstari wa kati wa goli, hivyo kuashiria Swansea wamejipatia bao.

Wachezaji wa Swansea wakishangilia mara baada ya kumalizika kwa mchezo huo na kutoka na ushindi wa pointi 3 baada ya kuifunga Arsenal bao 1-0 katika mchezo wa ligi kuu nchini Uingereza uliochezwa usiku wa kuamkia leo katika uwanja wa Emirate.