MSHAURI WA SERIKALI YA LIBYA ADAI WAPIGANAJI WA IS WASAFIRISHWA KIMAGENDO

Mshauri wa serikali ya Libya amesema wasafirishaji watu kwa njia za magendo wamekuwa wakiwasafirisha wapiganaji wa kundi la Dola ya Kiislam (IS) kupitia bahari ya Mediterranean.

Msemaji huyo Bw. Abdul Basit Haroun amesema wasafirishaji hao huwaficha wapiganaji wa kundi la IS kwenye boti zilizojaa wahamiaji haramu.

Maafisa wa taifa la Italia na Misri walishatoa tahadhari kwamba wapiganaji wa IS, wanaweza kufika bara la Ulaya kwa kutumia boti za wahamiaji haramu.