MWANAMKE AOKOA MAISHA YAKE KWA KUNYWA MAZIWA YAKE BAADA YA KUPOTEA

Mwanamke mmoja nchini New Zealand aliyepotea msituni mashariki mwa Wellington, amesema aliweza kuishi kwa kunywa maziwa yake mwenyewe na kujifunika uchafu kujikinga na baridi.

Mwanamke huyo Susan O'Brien, alikosea njia wakati wa mbio za Xterra akiwa kwenye msitu wa Rimutaka na jitihada za kumtafuta zilianza jumapili asubuhi na kupatikana siku ya leo.

Baada ya kupatikana mwanamke huyo aliunganishwa na familia yake mara moja na kitu cha kwanza alichofanya ni kuanza kunyonyesha mtoto wake wa kike wa miezi nane.