WAASI WA YEMEN WAKUBALI WITO WA SAUDI ARABIA WA KUSITISHA MAPIGANO

Waasi wa nchini Yemen wamesema kuwa watatii wito wa kusitisha mapigani uliotolewa na vikosi vinavyoongozwa na Saudi Arabia ambavyo vimekuwa vikifanya mashambulizi ya anga dhidi yao.

Saudi Arabia imetoa siku tano za kusitishwa mapigano kuanzia jumanne ya wiki ijayo, ili kutoa fursa ya kusambazwa kwa mahitaji muhimu ya kibinadamu kwa raia wa Yemen.

Mashambulizi ya angani yanayofanywa na Saudi Arabia na washirika wake yameshauwa watu 1,400 wengi wao wakiwa ni raia kwa mujibu wa Umoja wa Mataifa.