WAFUNGWA WATATU HATARI WATOROKA GEREZA LA KAMITI NCHINI KENYA

Wafungwa watatu hatari wametoroka kwenye gereza lenye ulinzi mkali la Kamiti nchini Kenya usiku wa jana tukio ambalo lilipelekea kupigwa risasi kimakosa mwanamke mmoja wakati askari magereza wakijaribu kuwatafuta wafungwa hao.

Maafisa wa magereza Kenya wamesema tukio hilo limetokea majira ya saa nane usiku wakati ambapo wafungwa hao walipokata nondo za chuma kwenye chumba chao na kisha kutoroka.

Kwa mujibu wa OCPD wa Kasarani Francis Sang, baada ya kitendo hicho alamu ililia na ndipo askari waliposhtuka na kuwafuatilia wafungwa hao huku wakifyatua risasi ambapo mwanamke mmoja alipigwa risasi kwa bahati mbaya na kujeruhiwa.