WAZIRI WA MAMBO YA NJE WA MAREKANI JOHN KERRY AFANYA ZIARA YA KUSHTUKIZA NCHINI SOMALIA

John Kerry amefanya ziara ya kushtukiza nchini Somalia hii leo, maafisa wa Marekani wamesema na kuweka rekodi ya kuwa Waziri wa Mambo ya Nje wa kwanza wa taifa hilo kuzuru taifa hilo la Afrika lenye machafuko.

Kerry alikaa kwa saa chache katika Jiji la Mogadishu, na hakuruhusiwa kutoka katika uwanja wa ndege ambapo alikutana na Rais wa Somalia Hassan Sheikh Mohamud oamoja na Waziri Mkuu Omar Abdirashid Ali Sharmake.

Msemaji wa Wizara yake Marie Harf amesema katika ziara hiyo ya Somalia Kerry alienda taifa hilo, kuonyesha kuunga mkono jitihada za Umoja wa Mataifa katika kuisaidia serikali ya mpito ya Somalia, kuimarisha amani.