LIONEL RICHIE AVUTA UMATI MKUBWA WA WATU KATIKA TAMASHA LA GLASTONBURY

Mwanamuziki Lionel Richie amevutia umati mkubwa wa watu katika tamasha la mwaka huu la Glastonbury, ambapo karibu watu 100,000 inasemekana wamemuangalia mwanamuziki huyo nguli duniani.

Jukwaa la Pyramid lililotumika kufanyika tamasha hilo lilivutia umati watu waliokuja kumuona Lionel Richie akitumbuiza vibao vyake vikali kama vile Dancing on the Ceiling, Hello pamoja na Say You Say Me.

Tamasha hilo la muziki lilifungwa na wakongwe wa muziki wa rock The Who ambao waliimba vibao vyao vikali katika jukwaa la Pyramid ikiwa ni sehemu ya ziara yao ya mwisho ya kimuziki duniani.