MKUU WA VIKOSI VYA MAJESHI YA ULINZI KENYA AAHIDI KUWAFUTA MAGAIDI

Mkuu wa Vikosi vya Majeshi ya Ulinzi nchini Kenya, Jenerali Samson Mwathethe, ameapa kuwafutilia mbali magaidi wote katika mipaka ya Kenya.

Jenerali Mwathethe ametoa ahadi hiyo jana mbele ya rais Uhuru Kenyatta, ambaye alienda kuwatembelea hospitali wanajeshi wanane, waliojeruhiwa katika tukio la uvamizi la Al-Shabaab kwenye kambi ya jeshi huko Lamu, siku ya jumapili.

Jenerali Mwathethe amemuambia Rais Kenyatta mashujaa wake licha ya kujeruhiwa wanania ya kurejea katika kambi hiyo tayari kwa vita hadi dakika ya mwisho ili kuhakikisha wananchi wa Kenya wapo salama.