WAANDAJI WA SHEREHE ILIYOJERUHI WATU 500 WAKAMATWA NA KUHOJIWA NCHINI TAIWANI

Waandaaji wa sherehe katika uwanja wa wazi nchini Taiwani wamekamatwa na vyombo vya dola vya nchi hiyo na kuhojiwa baada ya moto kulipuka kati kati ya mkusanyiko wa watu waliohudhuria sherehe hiyo.

Watu zaidi ya 500 walimejeruhiwa kufuatia tukio hilo, kufuatia poda yenye rangi kuwaka moto baada ya kurushwa na mtammbo uliokuwa kwenye jukwaa kuelekea kwenye mkusanyiko wa watu.

Picha zilizopigwa zinaonyesha watu wakiwa wamechanganyikiwa na kupiga mayowe ambapo maboya ya kulalia ya kujaza kwa upepo yalitumika kama machela za kubebea majeruhi. Kufuatia tukio hilo watu 182 wamelazwa kwenye chumba cha wagonjwa mahututi.

                     Watu waliokuwepo kwenye sherehe hiyo wakilia kwa uchungu