WATAFITI WA VYUO VIKUU VYA MAREKANI WASEMA DUNIA INAELEKEA KUTOWEKA

Dunia inaingia katika kipindi cha kutoweka, utafiti uliofanywa na vyuo vya Marekani umethibitisha ambapo imeelezwa binadamu ndio atakuwa miongoni mwa wahanga wa mwanzo.

Ripoti ya utafiti huo iliyoongozwa na vyuo vikuu vya Stanford, Princeton na Berkele umesema wanyama wenye uti wa mgongo wamekuwa wakitoweka kwa kiwango cha mara 114 kwa kasi kuliko kawaida.

Matokeo ya utafiti huo yanaungana na ripoti iliyochapishwa na Chuo Kikuu cha Duke mwaka jana. Mmoja wa wachapishaji wa ripoti hiyo amesema tunaingia katika hatua ya sita ya kutoweka kwa wingi mno.