WATU WATATU WASHIKILIWA NA POLISI NCHINI INDIA KWA KUMCHOMA MOTO MWANDISHI WA HABARI

Polisi nchini India inawashikilia wanaume watatu wanaotuhumiwa kwa kumteka mwandishi wa habari na kisha kumchoma moto hadi kufa.

Mwandishi wa habari huyo Sandeep Kothari alitekwa akiwa katika jimbo la nyumbani kwao la Madhya Pradesh siku ya Ijumaa.

Vyombo vya habari vimesema Kothari huenda amefanyiwa unyama huo kutokana na kuandika juu ya uchimbaji madini haramu, na kufuatilia kesi inayohusiana na kosa kama hilo iliyopo mahakamani.

Kifo cha Kothari ni tukio la hivi karibuni linaloibua tatizo la kushambuliwa vibaya waandishi wa habari nchini India.