RAIS YOWERI MUSEVENI ATOA FEDHA KUCHANGIA JENGO LA WASANII UGANDA

Rais Yoweri Museveni wa Uganda amechangia kiasi cha shilingi milioni 400 katika ujenzi wa jengo la ofisi zitakazotumiwa na wasanii wa nchini Uganda.

Museveni ni mpenzi wa muziki na aliachia wimbo wake wa 'Mpenkoni' miaka mitano iliyopita na hivi karibuni ameachia wimbo wa 'Yengoma' kwenye You Tube ambao umepata watu 6,100 na kupakuliwa mara 7,500 hadi kufikia mwishoni mwa wiki iliyoisha.

Rais Museveni ametangaza mchango wake huo wa fedha baada ya wasanii wa muziki na sanaa kumuomba kuwatafutia eneo la ardhi kwa ajili ya kujenga jengo la makao makuu ya wasanii nchini Uganda.