BARAZA LA USALAMA UN LAISHINIKIZA SERIKALI YA BURUNDI KUZUNGUMZA NA UPINZANI

Baraza la Usalama la Umoja wa Mataifa (UN), limeishinikiza serikali ya Burundi kuanzisha mara moja mazungumzo na upinzania ili kukomesha ghasia zinazoelekea kuitumbukiza nchi hiyo kwenye machafuko.

Wajumbe 15 wa baraza hilo wakiungwa mkono na Katibu Mkuu wa Umoja wa Mataifa Bw. Ban Ki-moon wametuma ujumbe wa ngazi ya juu wa umoja huo kujaribu kutuliza mgogoro wa Burundi.

Baraza hilo limetaka kuwepo mazungumzo baada ya maafisa waandamizi wa UN kuonya katika mkutano wa ndani wa dharura ulioitishwa na Ufaransa kuwa machafuko yanazidi kukithiri katika nchi ya Burundi.