RAIS YOWERI MUSEVENI AWATAKA VIJANA KUTOPATA UJAUZITO KWA UZEMBE

Rais Yoweri Museveni wa Uganda amesema kitendo cha kupata watoto kwa uzembe na kutegemea wasamaria wema kuwaangalia kinachangia ongezeko la kuwapo kwa watoto ambao maisha yao yapo hatarini nchini humo.

Akiongea katika maadhimisho ya kumi ya kituo cha Watoto cha Kampala (KCC) kinachoangalia watoto waliohatarini, Rais Museveni ametaka kuwapo kwa nidhamu miongoni mwa raia wa Uganda ili kuepusha kile alichokiita kosa la kijamii.

Amewaasa watoto wa kituo hicho kutojitumbukiza katika masuala ya uzazi hadi hapo wakati muafaka utakapofika, na kuwasisitiza kutofanya ngono zembe jambo ambalo linaweza kuwafanya wapate maambukizi ya Ukimwi.