JENERALI GILBERT DIENDERE AFUNGULIWA KESI BURKINA FASO

Kiongozi wa mapinduzi yaliyodumu kwa muda mfupi mwezi uliopita nchini Burkina Faso, amefunguliwa mashtaka ya uhalifu yakiwemo ya kutishia usalama wa taifa pamoja na ya mauaji.

Kiongozi huyo mkuu wa kikosi cha kumlinda rais Jenerali Gilbert Diendere anatarajiwa kukabiliwa na kesi yake katika mahakama ya kijeshi.

Baada ya kushindwa kwa mapinduzi hayo rais Michel Kafando alirejeshwa madarakani wiki mbili zilizopita, baada ya jeshi kuingilia kati pamoja na viongozi wa mataifa ya Afrika Magharibi.

Kikosi cha kulinda rais ambacho kilifanya mapinduzi hayo kitavunjwa.