UINGEREZA INA MAZINGIRA BORA YA MTU KUFARIKI DUNIA

Utafiti uliofanywa umebaini kuwa nchi ya Uingereza inashika nafasi ya kwanza kati ya mataifa 80 duniani ambayo yanaviwango bora vya mazingira ya mtu kufariki dunia, yanayojali wagonjwa mahututi waliokwenye maumivu makali pamoja na vikongwe.

Utafiti huo wa ubora wa mazingira ya mtu kufariki dunia, uliofanywa na Kitengo cha Uchumi na Intelejensia cha London, umeipatia Uingereza asilimia 93.9 na kuwa taifa bora kwa mtu kufariki dunia, ikifuatiwa na Australia, New Zealand, Ireland na Ubelgiji.

Katika orodha hizo mataifa ya Uganda, Tanzania na Kenya yapo kwenye nafasi za 20 za chini, wakati taifa la Bangladesh likishika nafasi ya mwisho kwa kuwa na mazingira ambayo si rafiki kwa mtu kufariki dunia.