MAMA WA MSHAMBULIAJI WA STOKE CITY MAME BIRAM DIOUF AFARIKI AKIWA HIJA

Mshambuliaji wa Stoke City Mame Biram Diouf amefahamishwa kuwa mama yake mzazi ni miongoni mwa mahujaji waliokufa katika tukio la msongamano katika mji mtakatifu wa Mekka, mwezi uliopita.

Tukio hilo lilitokea katika siku ya mwisho ya Hija Septemba 24 na kuuwa mahujaji zaidi ya 700, kutokana na kukanyagana katika mji wa Mina.

Mama wa mchezaji soka Diouf, aitwae Gnilane, alikuwa anahudhuria tukio muhimu la kiimani la kumpiga shetani mawe, ambapo mahujaji hutupa mawe kwenye nguzo kubwa katika kukamilisha ibada ya Hija.