WANANCHI WA MISRI WAPIGA KURA KUWACHAGUA WABUNGE

Wananchi wa Misri wameshiriki kupiga kura hii leo katika zoezi la kwanza la upigaji kura wa kuwachagua wabunge, ambalo lilicheleweshwa kwa muda mrefu.

Huu ni uchaguzi wa kwanza wa wabunge, baada ya bunge lililopita kuvunjwa na uamuzi wa mahakama uliotolewa mwaka 2012.

Mamlaka za nchini Misri zimesema uchaguzi huo ni hatua ya mwisho ya mpito kuelekea katika Demokrasia.

Hata hivyo wakosoaji wa mambo wamesema wagombea wengi wa ubunge ni watu wanaomuunga mkono rais Abdul Fattah al-Sisi hivyo bunge jipya litaendelea kumpa madaraka rais huyo.