CHAMA CHA NLD KINACHOONGOZWA NA AUNG SAN SUU KYI CHAPATA USHINDI MYANMAR

Chama cha National League for Democracy kinachoongozwa na Bi. Aung San Suu Kyi kimepata ushindi mkubwa wa kihistoria katika uchaguzi wa ubunge nchini Myanmar.

Wakati matokeo ya asilimia 80 ya viti vya ubunge yakitangazwa chama hicho cha Bi. Suu Kyi kimetwaa viti vya ubunge zaidi ya theluthi mbili na kuwa na mamlaka ya kuchagua rais na kumaliza muongo mmoja wa utawala unaoungwa mkono na jeshi.

Hata hivyo robo ya viti vya ubunge vimetengwa kwa jeshi, jambo ambalo linamaanisha kwamba jeshi bado litakuwa na ushawishi mkubwa. Chini ya Katiba ya sasa Bi. Suu Kyi hawezi kuwa rais.