MIILI YA WATU 144 WALIOKUFA SIKU YA JUMAMOSI KWA AJALI YA NDEGE YAPELEKWA URUSI

Miili ya watu 144 waliokufa siku ya jumamosi katika ajali ya ndege nchini Misri, imesafirishwa kurejeshwa St Petersburg Urusi wakati uchunguzi wa chanzo cha ajali hiyo ukiendelea.

Watu wote 224 waliokuwa kwenye ndege hiyo wengi wao wakiwa raia wa Urusi wamekufa baada ya ndege hiyo kuanguka kaskazini mwa penisula ya Sinai.

Taifa la Urusi liliitumia siku ya jana kufanya maombolezo ya kitaifa baada ya ajali hiyo mbaya ya ndege.

                                         Polisi wa Urusi wakisubiri kupokea miili ya watu 144