MKUU WA MKOA KILIMANJARO, AMOS MAKALLA ATEMBELEA HIFADHI YA TAIFA YA MLIMA KILIMANJARO

Mkuu wa Kilimanjaro, Amos Makala akijikinga na mvua kubwa wakati akiwasili hifadhi ya Taifa ya mlima Kilimanjaro (KINAPA). Anayemfuata nyuma ni Mkuu wa Wilaya ya Moshi, Novatus Makunga.

Mkuu wa mkoa wa Kilimanjaro, Amos Makalla akikagua kitabu cha utaratibu wa kusajili watalii.

Mkuu wa mkoa wa Kilimajaro, Amos Makalla ( wa tatu kutoka kulia ) akiongea na watalii toka Ireland

Mkuu wa mkoa wa Kilimanjaro, Amos Makalla akiongea na menejimenti. Kulia kwake ni Mkuu wa Wilaya ya Moshi, Novatus Makunga.

Duh, leo inanyesha kweli. Mkuu wa mkoa wa Kilimnajaro, Amos Makalla ( kushoto ) akiwa amejikinga na mvua alipowasili hifadhi ya Taifa ya mlima Kilimanjaro (KINAPA)

Mkuu wa mkoa wa Kilimanjaro Amos Makalla ametembelea Hifadhi ya Taifa ya mlima Kilimanjaro (KINAPA) na kufanya kikao na menejimenti ya  Kinapa, kukagua njia wanazopita watalii, utaratibu wa kuwapokea na kuwapandisha watalii mlima Kilimanjaro.

 Ameipongeza Kinapa kwa kuwa miongoni mwa hifadhi 5 zinazojiendesha vizuri na kuchangia mapato ya serikali, kuchangia ajira zaidi ya watu 100,000 kwa mwaka na usimamamizi madhubuti wa sheria za uhifadhi wa mazingira na kuanza kurejesha hali ya theluji ya mlima kilimanjaro iliyoanza kupungua kwa muda mrefu.

Katika ziara hiyo ameiagiza menejimenti kufanya yafuatayo:-
 

1. Kusimamia kwa nguvu zote eneo la hifadhi lisiingiliwe na shughuli za kilimo, ujangili man uharibifu wa vyanzo vya maji.
 

2. Kufanya mikutano na vijiji vyote 80 vinavyozunguka hifadhi kwa lengo la kuelimisha umma faida na hasara zitakazopatikana baada kuharibu mazingira.
 

3.Kuwafungia na kuwanyanganya leseni makampuni yanayopandisha watalii yanayotuhumiwa kwa udanganyifu , utapeli unaopelekea watalii kukosa huduma na kutapeliwa.

Aidha amewataka wananchi wa mkoa kilimanjaro kuendelea kupanda miti na kulinda mlima kilimanjaro na vyanzo vya maji