NDEGE YA URUSI ILIYOANGUKA MISRI HUENDA ILITUNGULIWA KWA BOMU

Uchunguzi wa Kiintelejinsia unadhani kuwa ndege ya Urusi iliyoanguka Misri na kuuwa watu 224 waliokuwamo iliangushwa kwa bomu, Marekani na Uingereza zimesema.

Hata hivyo Marekani na Uingereza zimesema hawajafikia hitimisho la kuwa na uhakika wa asilimia 100 kuwa ndege hiyo iliangushwa kwa bomu.

Uingereza mapema ilisitisha safari za ndege zake kwenda na kurejea kutoka eneo la Sharm el-Sheikh nchini Misri, sehemu ambako ndege zilikuwa zikiondokea.