WAPWA WAWILI WA MKE WA RAIS WA VENEZUELA WAMEKAMATWA HAITI

Wapwa wawili wa mke wa rais Nicolas Maduro wa Venezuela wamekamatwa Haiti na kupelekwa Marekani kukabiliana na mashtaka ya usafirishaji wa dawa za kulevya.

Vyombo vya habari vya Marekani vimewataja ndugu hao wa mke wa rais wa Venezuela kuwa ni Franqui Francisco Flores-de Freitas na Efrain Antonio Campo-Flores na wanakabiliwa na tuhuma za kushiriki kuingiza kilo 800 za cocaine Marekani.

Watuhumiwa hao wawili wanatarajiwa kufika mbele ya mahama ya shirikisho Jijini New York hii leo. Serikali ya Venezuela haijatoa kauli yoyote kuhusiana na ripoti hiyo ya kukamatwa kwa ndugu wa mke wa rais.