RAIS PUTIN WA URUSI AAGIZA UCHUNGUZI MATUMIZI YA DAWA ZA KUONGEZA NGUVU

Rais Vladimir Putin wa Urusi ameagiza uchunguzi kuhusiana na madai ya wanariadha wa nchi hiyo wamekuwa katika programu ya matumizi ya dawa za kuongeza nguvu.

Bw. Putin ametoa kauli yake hiyo kwa mara ya kwanza tangu Tume Huru ya Wakala wa Dunia wa Kukabiliana na Dawa za Kuongeza nguvu Michezoni (WADA) kubainisha tuhuma hizo nzito jumatatu wiki hii.

Rais Putin amesema kuwa anataka kuwepo kwa ushirikiano wa kitaalum na vyombo vya kukabiliana na dawa za kuongeza nguvu kwa wanamichezo. Amesema mashindan ya michezo yanavutia iwapo hapatakuwa na udanganyifu.