JAHAZI LA CHELSEA LAZIDI KUTOTA, HUKU MOURINHO AKIHISI KUHUJUMIWA

Mshambuli wa Leicester City Jamie Vardy na Riyad Mahrez wameisaidia timu yao kurejea kileleni mwa ligi kuu ya Uingereza na kuisukuma chini zaidi ya msimamo wa ligi timu ya Chelsea.

Katika mchezo huo ambao Chelsea ilikuwa ugenini ilijikuta ikifungwa bao la kwanza na Jamie Vardy katika dakika ya 34, kabla ya Riyad Mahrez kupachika la pili dakika ya 48, huku Loic Lemy akiipatia Chelsea bao pekee la kufutia machozi.

Baada ya kipigo hicho cha mabao 2-1 kocha wa Chelsea Jose Mourinho amesema anajihisi kama kazi yake inahujumiwa, huku akishuhudia akipoteza mchezo wa tisa kati ya michezo 16 ya Ligi Kuu ya Uingereza.

                                   Jamie Vaedy akipachika bao la kwanza kwa Leicester City

                 Benchi la ufundi la Chelsea likiwa hoi pamoja na wachezaji wa akiba