MSHAMBULIAJI JAMIE VARDY ATIA WINO KUENDELEA NA LEICESTER CITY KWA MIAKA MITATU

Mshambuliaji machachari Jamie Vardy ametia saini mkataba mpya wa miaka mitatu kuendelea na klabu yake ya Leicester City.

Mshambuliaji huyo Muingereza, 29, alijiunga na Leicester akitokea Fleetwood kwa uhamisho wa paundi milioni 1 mwaka 2012, na mabao yake yameisaidia timu hiyo inayonalewa na Claudio Ranieri kuongoza Ligi Kuu ya Uingereza.

Vardy amesema tangu ajiunge na Leicester timu hiyo imemuonyesha kuwa inaimani na yeye jambo ambalo ni rahisi kupima sasa imani hiyo ilivyomfanya aweze kuwa na kiwango bora cha kufunga mabao.