MANCHESTER CITY NA ATLETICO MADRID ZATINGA ROBO FAINALI UEFA

Timu ya Manchester City imetinga robo fainali ya Klabu Bingwa Barani Ulaya licha ya kutoa sare tasa katika mchezo mkali na Dynamo Kiev.

Manchester City, iliyopata faida ya ushindi wa mechi ya awali wa mabao 3-1, waliumudu vyema mchezo huo lakini watawakosa mabeki wao Vincent Kompany na Nicolas Otamendi walioumia.

                          Beki Vincent Kompany akiwa amekaa chini baada ya kuumia 

Katika mchezo mwingine mchezaji Juanfran afunga penati ya ushindi wakati Atletico Madrid ikiifunga PSV Eindhoven penati 8-7 katika mchezo wa Klabu Bingwa Barani Ulaya ulioamuliwa kwa matuta.

Timu hizo mbili zilishindwa kufungana ndani ya dakika 210 za michezo yao yote miwili, ikiwa ni mara ya kwanza wa Klabu Bingwa Barani Ulaya kuishia sare ya 0-0 katika michezo yoye miwili.