MTUHUMIWA WA MASHAMBULIZI YA PARIS AKATA KUONGEA KUHUSU TUKIO LA BRUSSELS

Mtuhumiwa wa mashambulizi ya Paris Salah Abdeslam amekataa kuongea kuhusiana na mashambulizi ya jumanne Jijini Brussels, Waendesha mashtaka wa Ubelgiji wamesema.

Wamesema kuwa Abdeslam aliyekamatwa wiki iliyopita Brussels na kutoa ushirikiano hapo wa awali, ameamua kutumia haki yake ya kukaa kimya na kukataa kusema lolote alipohojiwa kuhusu tukio hilo.

Salah Abdeslam alikamatwa siku chache kabla ya mashambulizi ya Brussels, yaliyouwa watu 31.