RONALDO NA RODRIGUEZ WAIPELEKA REAL MADRID ROBO FAINALI UEFA

Cristiano Ronaldo amepachika bao lake la 40 katika msimu huu wakati akiisaidia Real Madrid, kutinga robo fainali ya Ligi ya Mabingwa Ulaya kwa ushindi wa mabao 2-0 dhidi ya Roma katika dimba la Bernabeu.

Real ikiwa inaongoza kwa matokeo ya ushindi wa mabao 2-0 katika mchezo wa awali, iliwadhibiti wageni Roma ambao wachezaji wake Edin Dzeko na Mohamed Salah walipoteza nafasi za kufunga.
Makosa hayo ya Roma yaliwagharimu pale Ronaldo alipachika bao la kwanza kwa Real katika dakika ya 64 na kisha James Rodriguez kupachika bao la pili.

Katika mchezo mwingine wa Ligi ya Mabingwa Ulaya Wolfsburg ilitinga hatua ya robo fainali ya michuano hiyo kwa mara ya kwanza baada ya goli la Andre Schurrle kuifanya kuwa na ushindi wa mabao 4-2 kwa michezo yote miwili dhidi ya Gent.

                                                Edin Dzeko akikosa bao la wazi katika mchezo huo