ARSENAL YAICHAKAZA HULL CITY NA KUTINGA ROBO FAINALI YA FA

Timu ya Arsenal imemaliza nuksi ya kucheza michezo mitano bila ya kushinda baada ya kuchapa Hull City kwa mabao 4-0 katika mchezo wa raundi ya tano wa kombe la FA, na kutinga robo fainali ambapo itakutana na Watford.

Arsenal walipatiwa zawadi ya goli la kwanza na beki wa Hull City, David Meyler aliyemuandalia kimakosa mpira Olivier Giroud ambaye naye bila ajizi akapachika bao la kwanza, na baadae Aaaron Ramsey naye nusura ajifunge na kuisaidia Hull kusawazisha.

Giroud alipachika bao la pili kwa Arsenal huku naye Theo Wallcott akipachika la tatu na kukamilisha karamu kwa kufunga bao la nne.

              Olivier Giroud akifunga bao kwa kupitisha tobo kwenye miguu ya kipa

                  Theo Wallcott akipiga mpira wa kuzungusha na kuandika bao la nne