ZLATAN IBRAHIMOVIC AITOA CHELSEA LIGI YA MABINGWA ULAYA

Matumaini ya Chelsea kusonga mbele katika Ligi ya Mabingwa Ulaya yamemalizwa baada ya kutolewa katika raundi ya 16 bora na Paris St-Germain kwa kuchapwa mabao 2-1 katika dimba la Stamford Bridge.

Ushindi huo wa PSG umechochewa na jitihada za Zlatan Ibrahimovic ambaye alipiga mpira wa krosi uliomaliziwa vyema na Adrien Rabiot na kuandika bao la kwanza hata hivyo Diego Costa alisawazisha baadae.

Katika mchezo huo Costa alitolewa nje baada ya kuumia na kuiacha Chelsea ikijikuta ikipachikwa bao la pili na Ibrahimovic aliyemalizia kiulaini pande la Angel di Maria na kuipeleka PSG katika hatua ya nane bora.

                                                Zlatan Ibrahimovic akipachika bao la pili kwa PSG