KOFFI ALOMIDE AMPIGA TEKE HADHARANI DANSA WAKE MWANAMKE NCHINI KENYA

Video inayomuonyesha mmoja wa wanamuzika maarufu barani Afrika Koffi Olomide, akimpiga mwanamke katika uwanja wa Kimataifa wa Jomo Kenyatta imesambaa mitandaoni.

Mwanamuziki huyo wa DR Congo anaonekana kwenye video hiyo akimpiga teke mwanamke, anayesemekana kuwa ni mcheza shoo wake wa bendi ya Quartier Latin, mbele ya abiria wengine na polisi wakati walipowasili kwenye uwanja huo.

Licha ya kufanya kitendo hicho cha kupigana hadharani, Koffi Olomide ambaye yupo nchini Kenya kwa ajili ya kufanya shoo mwishoni mwa wiki hii polisi hawakumkamata, na hadi sasa haijatolewa taarifa yoyote kuhusiana na tukio hilo.