SHULE TANO ZACHOMWA MOTO USIKU WA JANA NCHINI KENYA

Mabweni karibu ya shule tano yamechomwa moto jana usiku nchini Kenya na kuongeza idadi ya mamia ya taasisi za elimu zilizoripotiwa kutokea matukio ya moto katika kipindi cha miezi michache.

Moto wa jana usiku umetokea kwenye shule za Sekondari za Giakaibii huko Nyeri, Shule wasichana ya Merti huko Isiolo, shule ya mchanganyiko ya Adega ya Homa Bay, St Stephen iliyopo Narok pamoja na shule ya Sekondari ya St Patrick iliyopo Iten kaunti ya Elgeyo-Marakwet.

Kufuatia mfululizo wa matukio hayo chama kikuu cha walimu nchini Kenya kimeitaka serikali kuzifunga mapema shule kabla ya wakati wa likizo kufika ili kuwaepusha wanafunzi na msongo wa mawazo juu ya uwezekano wa kutokea moto mashuleni.