KOCHA PEP GUARDIOLA AWATIMUA WACHEZAJI WENYE VITAMBI MAZOEZINI

Kocha Pep Guardiola amepiga marufuku wachezaji wenye vitambi kushiriki mazoezi ya kikosi cha kwanza cha Manchester City, na kuzuia ulaji wa vyakula vinavyonenepesha.

Kocha huyo hakupoteza muda kutoa miongozo yake ya kinidhamu kwa wachezaji wa timu yake hiyo mpya, miongozo ambayo pia aliitumia akiwa na Barcelona na Bayern Munich.

Miongoni mwa wachezaji waliogizwa kupunguza unene ni pamoja na Samir Nasri, ambaye sasa anakazi ya kupunguza uzito kilo kadhaa ili ajiunge na wenzake wa kikosi cha kwanza.

Samir Nasri hana jinsi zaidi ya kufanya mazoezi zaidi na kupunguza milo inayonenepesha ili kuweza kuwa katika kikosi cha kwanza cha Manchester City