VIKOSI VYA CALIFORNIA VYAHAHA KUKABILIANA NA MOTO WA NYIKA

Vikosi vya zimamoto vya California vinahangaika kuudhibiti moto ambao umeteketeza nyumba 18 na kutishia nyingine mia moja katika eneo la mlimani kaskazini mwa Los Angeles.

Moto huo wa nyika umetapakaa katika eneo la zaidi ya hekari 22,000, na wakazi wa nyumba karibu 1,500 huko Santa Clarita wamehamishwa.

Mwili wa mtu mmoja umepatikana kwenye gari lililoungua moto, ingawa haijafahamika mara moja iwapo kifo chake kimetokana na moto.

Upepo mkali umekuwa ukichochea miale ya moto huo na kupeperusha moshi na majivu katika eneo lote la Los Angeles.

   Gari la Zimamoto likiwa linazingirwa na miale ya moto wakati vikosi vya Zimamoto vikipambana na moto huo

Askari wa kikosi cha Zimamoto akipambana kuuzima moto huo katika eneo la Mlimani