WAZIRI MKUU WA UFARANSA AZOMEWA KATIKA TUKIO LA KITAIFA

Waziri Mkuu wa Ufaransa Manuel Valls amezomewa alipohudhuria tukio la kukaa kimya kwa dakika moja Jijini Nice kuwakumbuka watu 84 waliokufa kwa tukio la kugongwa na lori.

Watu waliomzomea Valls walimuita muuaji na kumtaka ajiuzulu, kabla ya kuanza kwa kitendo hicho cha kukaa kimya kwa dakika moja katika maeneo tofauti ya taifa hilo.

Mapema kiongozi wa upinzani wa chama cha mrengo wa kati wa kulia ambaye ni rais wa zamani Nicolas Sarkozy aliituhumu serikali kwa kushindwa kutoa ulinzi kwa wananchi.