SERGIO AGUERO AACHWA KATIKA KIKOSI CHA ARGENTINA

Mshambuliaji wa Manchester City Sergio Aguero ameachwa katika kikosi cha Argentina cha kuwania kufuzu kombe la dunia mwaka 2018 kutokana na kuwa majeruhi.

Chama cha Soka cha Argentina kimethibitisha kuwa Aguero alipata jeraha katika mchezo wa ligi ambao City ilishinda magoli 3-1 dhidi ya West Ham jumapili.

Haijaelezwa ni lini Aguero ataitwa tena kikosini, pia kwa upande mwingine huenda akakabiliwa na adhabu ya FA kwa kumpiga kiwiko beki wa West Ham, Winston Reid.