ROMELU LUKAKU APIGA HAT-TRICK WAKATI EVERTON IKIICHAKAZA SUNDERLAND

Romelu Lukaku amefunga magoli matatu yaani hat-trick ndani ya dakika 11, wakati Everton ikiendeleza rekodi yake ya kutofungwa tangu msimu huu uanze na kuibuka na ushindi dhidi ya Sunderland katika mchezo wa Ligi Kuu ya Uingereza.

Mshambuliaji huyo raia wa Ubelgiji alifunga goli la kwanza kwa klabu yake tangu mwezi Machi, kwa mpira wa kichwa kufuatia krosi ya Idrissa Gueye na kisha kuongeza la pili kupitia pande la

Yannick Bolasie.

Lukaku alitundika goli la tatu kwa shuti la chini baada ya kutoka kasi na kuuwahi mpira, na kuihakikishia Everton ushindi wa magoli 3-0 dhidi ya Sunderland mbayo haijashinda mchezo wowote wakiwa chini ya kocha David Moyes.

                  Romelu Lukaku akiruka juu na kutumbukiza mpira wavuni kwa kichwa

           Kipa wa Sunderland akiwa ametumbukia wavuni baada ya kuteswa na Lukaku