BINTI WA MWANARIADHA WA ZAMANI WA MAREKANI TYSON GAY APIGWA RISASI NA KUFA

Mtoto wa kike wa bingwa wa zamani wa riadha, Tyson Gay, ameuwawa kwa kupigwa risasi katika jimbo la Kentucky nchini Marekani.

Polisi wa Lexington wamesema binti huyo Trinity Gay, 15, alipigwa risasi shingoni wakati wa tukio la kutupiana risasi kutoka kwenye magari mawili kwenye maegesho ya hoteli.

Binti huyo alikimbizwa hospitali, lakini baadaye ilielezwa kuwa amefariki dunia. Gay ambaye anatokea mji wa Lexington amethibitisha kifo cha binti yake huyo.

                                           Tyson Gay akiwa na binti yake Trinity aliyeuwawa