CHELSEA YASHINDA NA KUKWEA HADI NAFASI YA NNE YA MSIMAMO WA LIGI

Timu ya Chelsea imeendelea kukwea vyema kwenye msimamo wa Ligi Kuu ya Uingereza na kushika nafasi ya nne, baada ya kuifunga Southampton magoli 2-0.

Chelsea ilijipatia goli lake la kwanza kupitia kwa Eden Hazard, akitumia fursa ya kukaba kiuzembe na kumpita Steven Davis, kisha kuachia shuti lililompita tobo kipa Fraser Forster.

Southampton walipata nafasi za kutosha lakini walishindwa kulitikisa goli la Chelsea ambao walioneka kuwa tishio. Diego Costa alifunga goli safi kwa shuti la kuzungusha la yadi 22.

                      Diego Costa akiachia shuti la kuzungusha lililozaa goli la pili la Chelsea 

             Eden Hazard akionyesha hisia zake baada ya kukosa goli katika moja ya shambulizi