CHRIS BROWN AHARIBU SIMU YA SHABIKI ALIYETAKA KUPIGA NAYE SELFIE NCHINI KENYA

Mwanamuziki nyota wa Marekani, Chris Brown, amempora simu shabiki wake mmoja mwanamke nchini Kenya aliyekuwa akitaka kupiga naye picha ya Selfie na kisha kuipigiza chini kwa hasira.

Tukio hilo limetokea katika uwanja wa ndege wa Kimataifa wa Moi, wakati msanii huyo anayejulikana kwa ukorofi Chris Brown alipotua Mombasa kwa ajili ya shoo aliyoifanya mwishoni mwa wiki.

Mwanamke huyo Brenda Chepkoech alijikuta simu yake aina ya I-Phone 6 ikiporwa na Brown bara baada ya kumsogelea na kuanza kupiga naye Selfie na kisha kuipigiza chini baada ya kuingia kwenye gari.

   Brenda Chepkoech akiwa ameshikilia simu yake ya I-Phone 6 ambayo iliharibika kioo baada ya kupigizwa chini na Chris Brown