MANCHESTER CITY YAREJEA KILELENI MWA LIGI KUU YA UINGEREZA

Timu ya Manchester City imerejea kileleni mwa Ligi Kuu ya Uingereza kwa kishindo baada ya kuiduwaza West Ham kwa magoli 4-0, na kumaliza kipindi kigumu cha kocha Pep Guardiola.

Kocha Guardiola alikuwa hajapata ushindi katika michezo sita kwenye michuano yote, alishuhudia kikosi chake kikipata goli la kwanza kupitia kwa Sergio Aguero alipofunga kufuatia mpira wa kurushwa na Ilkay Gundogan.

West Ham walijikuta wakinyong'onyea zaidi baada ya Aguero kufunga tena akiwaadhibu mabeki waliokuwa wakisita kumkaba kwa kuachia shuti kali lililojaa kwenye kona ya juu ya goli.

West Brom walionekana kuimarika katika kipindi cha pili, lakini walishindwa kuzitumia vyema nafasi walizozipata, kabla ya Gundogan kuwatungua magoli mawili la kwanza akipewa pande na Aguero na la pili akilishwa na Kevin de Bruyne.

    Mshambuliaji nyota Sergio Aguero akiuangalia mpira alioupiga ukielekea kujaa wavuni 

     Kocha Pep Guardiola akimkumbatia kwa furaha mshambuliaji wake Sergio Aguero 

Wakati Manchester City ikishinda, majirani zao Manchester United walijikuta wakiwekewa ngumu nyumbani na Burnley kwa kutoka sare tasa, licha ya kuitawala mno mechi hiyo lakini ngome ya Burnley ilikuwa imara kulinda goli lao.

Katika mchezo huo kocha Jose Mourinho alijikuta akilazimika kuutazama mchezo huo jukwaani baada ya kukwaruzana refa