MKE WA RAIS BUHARI ATISHIA KUTOMUUNGA MKONO MUMEWE KATIKA UCHAGUZI

Mke wa rais wa Nigeria Muhammadu Buhari amemuonya mumewe kuwa anaweza asimuunge mkono kuwania urais katika uchaguzi mkuu ujao asipofanya mabadiliko katika serikali yake.

Akiongea na shirika la habari la BBC, Aisha Buhari amesema rais hawajui karibu maafisa wake wote waandamizi aliowateuwa.

Amesema kunauwezekano serikali ya Nigeria imetekwa, na kuongeza kuwa kuna watu wachache wanaofanya uteuzi wa maofisa kwa mamlaka ya rais.

Rais Buhari alichaguliwa mwaka jana huku akiahidi kukabiliana na rushwa na undugu katika nafasi za serikali.