REAL MADRID NA ATLETICO MADRID ZAFANYA MAUAJI MAKUBWA LA LIGA

Nyota wa Real Madrid, Raphael Varane, Karim Benzema, Marcelo, Isco and Cristiano Ronaldo wamezifumania nyavu wakati ikiibuka na ushindi mnono wa magoli 6-1 dhidi ya Real Betis.

Katika mchezo huo wa La Liga ulioirejesha Real Madrid katika nafasi ya juu, Raphael Varane alikuwa wa kwanza kufunga goli kwa mpira wa kichwa alioupiga kifundi.

Karim Benzema aliongeza goli la pili kwa kikosi hicho cha Zinedine Zidane, na kisha Marcelo kuongeza la tatu huku Isco akifunga la nne na la tano kisha Ronaldo akikamilisha la sita.

                          Karim Benzema akishangilia kwa kukimbia baada ya kufunga goli 

                       Cristiano Ronaldo akidokoa mpira na kufunga goli la sita kwa Real Madrid 

Katika mchezo mwingine Yannick Carrasco amefunga magoli matatu yaani hat-trick, wakati Atletico Madrid ikitokea nyuma kwa kufungwa goli moja na kuibuka na ushindi wa magoli 7-1 dhidi ya timu iliyomkiani ya Granada na kuongoza ligi ya La Liga.